Oficina técnica de prevención de Riscos Laborais
​

Partindo da base de que para levar a cabo unha correcta prevención de riscos laborais dentro dunha empresa, é fundamental e imprescindible que exista unha implicación por parte de todos  e cada un dos traballadores  (desde a categoría máis alta ata a máis baixa), esta oficina técnica crease co principal obxectivo de concienciar, fomentar, informar e asesorar aos empresarios e traballadores do sector da hostalería e restauración, para que a prevención de riscos laborais na empresa sexa unha actividade máis a desenrolar e que non supoña un esforzo a maiores por parte dos traballadores da empresa, incorporándoa coma unha actividade intrínseca das tarefas diarias, eliminando ou diminuíndo na medida do posible os riscos derivados de cada un dos postos de traballo da entidade.

Obxectivos principais:

• Difusión da cultura preventiva nas canles de comunicación dispoñibles en ASEHOSPO:

                     - Creación dun espazo específico na web www.asehospo.com dedicado exclusivamente a PRL
                     - Redes Sociais
                     - Correo electrónico e postal
                     - Publicación "Pontevedra A Carta"

• Información e asesoramento específico en materia de Prevención de Riscos Laborais no sector da hostalería e restauración.
• Especial apoio técnico aos empresarios e/ou traballadores designados que opten por esta forma de servizo de prevención, para a elaboración da avaliación de riscos inicial, planificación, execución e seguimento da prevención, plans de emerxencia e primeiros auxilios, ...
• Fomento e difusión da ferramenta prevencion10.
• Para abordar a especialidade da vixilancia da saúde, a Federación ten firmado dous convenios de colaboración con SPA.
• Elaboración de xornadas técnicas informativas/formativas, talleres e seminarios.